Question and Answer

Do the Christians believe in three gods?

No, the Christians believe in One God.

في قدّاسنا البيزنطي، كلّ أحد بصلّي الخوري وبقول صلاة كثير حلوة كلّ أحد بتأمّل فيها:

الخوري بصلي وبقول: "فإنّكَ أنتَ الإلهُ الذي لا يَفي به وصفٌ، ولا يَحدُّهُ عقلٌ، ولا يُرى ولا يُدرك، الدّائم الوجود، والكائنُ هوَ هوَ، أنتَ وابنُك الوحيد وروحُك القدُّوس."

بهذه الكلمات البليغة وعميقة المعنى كان عم يعبّر القديس باسيليوس الكبير انو نحنا محدودين، الإنسان محدود، لكن الله غير محدود. ولا يمكن لإناء محدود انه يستوعب إناء آخر غير محدود. لهيك نحنا عاجزين اننا نستوعب الله بكامل كينونته، وكل شي ممكن نعرفه عن الله هو الأشياء يلي هو بذاته أعلن عنها. لح أعطيكم مثل:

في يوم اعتماد الرب في نهر الأردن، تكلّم الله الآب قائلاً: "هذا هو ابني الحبيب الذي به سُررت"، ونزل الروح القدس بهيئة حمامة. باختصار، هذا كان إعلان عن الثالوث القدّوس: آب وابن وروح قدس، الله (آلَها بالسّرياني) أو الرب الإله.

بالكتاب المقدّس الرب الإله أعلن عن ذاته عشرات المرّات ما بتخفى عن كل مين بيبحث عن الحقيقة، لدرجة انو أوّل ثلاث آيات من الكتاب المقدّس في العهد القديم تُعلن الثّالوث القدّوس:

في البَدء، خلق الله السّماوات والأرض (الله الآب)

وكانَتِ الأَرضُ خاوِيةً خالِية، وعلى وَجهِ الغَمْرِ ظَلام، ورُوحُ اللهِ يُرِفُّ على وَجهِ المِياه. (الرّوح القدس)

وقالَ الله: «لِيَكُنْ نور»، فكانَ نور. (الكلمة) (سِفر التكوين 1: 1-3)

الديانات الأرضية كُلها أسّسوها بشر، عاشوا وانتهوا وماتوا وشبعوا موت. كانوا بشر بعضهم منيح وبعضهم مو منيح، عاشوا وعلّموا شغلات عن الله، شغلات صح وشغلات غلط (شي شروي وشي غروي) كل مين هو وضميره. ولكن المسيحية ما إنسان أسّسها، بالعكس، الربّ بذاته هو يلي نزل من السّما وتجسّد وكشف لنا أسرارها. الله الكلمة تجسَّد محبّةً فينا وفدانا ومات عنّا بالجّسد على الصليب، وقام بقدرته الإلهيّة بعد ثلاثة أيام. هذه هي المسيحية باختصار. هذا واحد من الفوارق الجوهريّة بين المسيحية وبين باقي الديانات يلي من صنع البشر. سؤال واحد بيختصر كل الأسئلة: نحنا مين منحبّ أكثر؟ يسوع؟ أو شهواتنا؟